Preso eta iheslarien defentsan arituko den elkarte herritarra dugu Algortako Herrira bilgunea. Indar metaketa oinarri duen elkartea, edozein esparrutan eta amnistia helburu duena. Lan asko duen elkartea da Herrira, baina ilusioarekin jaiotzen dena. Presoen eskubideen urraketak salatuko ditu elkarte berri honek, muturreko egoerei lehentasuna emanez, elkartasuna landuko du, asistentziala, juridikoa, medikoa... Iheslariak etxeratzeko ekimenak ere burutuko ditu. Ekimen herritarra dela esan dugu. Beraz, inoiz baino garrantzitsuagoa da guztion ekarpena. Edozein ideia berri ongi etorria izango da.
